नेपालमा पाँच वर्षमुनिका ३६% बालबालिकाहरु
पुड्कोपनाको शिकार रहेका छन् |
“सही पोषणको पहुँचले भावी पुस्तालाई उनीहरुको सपना साकार पार्न सक्षम तुल्याउनेछ” भन्ने विश्वासबाट प्रेरित बलियो नेपाल पोषण अभियान सरकारी तथा गैर- सरकारी संस्थाहरु,निजि क्षेत्र, नागरिक समाज समेत सम्पूर्ण नेपाली जनताहरूलाइ एकजुट बनाउँदै आम जनमानसमा सचेतना वृद्धि गरि नेपालमा कुपोषण अन्त्य गर्न चाहन्छ |
बलियो नेपाल एक गैर नाफामूलक संस्था हो र यो:
को सहयोगमा
समाजको विश्वास प्राप्त सदस्यहरुको स्वतन्त्र कार्यकारी परिषद्
द्वारा संचालित छ
कुपोषण विरुद्ध राष्ट्रिय अभियान निर्माण गर्ने एउटा नवीन अवधारणा
द्वारा परिचालित छ
आम जनसमुदायको खानपान सम्बन्धी व्यवहारमा सूधार ल्याई बलियो नेपाल निर्माण गर्न विविध कार्यक्रमहरुको विकास गर्ने हाम्रो उद्देश्य हो | न्यून आय भएका निम्न उमेर समूहलाई विशेष जोड दिइनेछ |
१. सही पोषणको अभियानमा सम्पूर्ण राष्ट्रलाई नै परिचालन गर्ने:
बलियो नेपालद्वारा नेपालीको खानपान सुधारका लागि संचालित यस राष्ट्रिय अभियानले सम्पूर्ण राष्ट्रलाई एकजुट बनाउन प्रयत्न गर्नेछ | सबैको लाभ सुनिश्चित हुने गरि सरकार, नागरिक समाज, निजी क्षेत्र र खाद्य उद्योगको बीचमा साझेदारी अभिवृद्धि गर्न यस अभियानले विशेष जोड दिनेछ |
२. उपभोक्ताको मागलाई सही पोषणको दिशातर्फ परिचालन गर्ने:
भावनात्मक संचार र समुदाय परिचालनबाट निर्देशित बलियो नेपाल पोषण अभियानले सही पोषणको महत्वको बारेमा आम जनासमुदायमाझ चेतना अभिवृद्धि गर्नुका साथै बलियो छाप प्रति विश्वास स्थापित गर्नेछ | हाम्रो छाप र संकेत सहजै पहिचान गर्न सकिने तथा उच्च पोषणस्तरको रुपमा प्रमाणित र आकर्षित गर्न सक्षम हुनेछ | अन्ततः उपभोक्ताहरु अझ बढी पोषणयुक्त खाद्यवस्तुको खोजी गर्न थाल्नेछन् |
३. खाद्य उद्योगहरुलाई पौष्टिकताको दिशातर्फ परिचालित गर्ने:
बलियो नेपाल पोषण अभियानले खाद्य उद्योगहरुसँग मिलेर मूख्य खाना, बढी मात्रामा उपभोग हुने खानेकुरा र पूरक खाना (बालाआहार)मा पौष्टिक तत्व मिसाउने कार्य गर्नेछ | खाद्य उद्योगहरुलाई उच्च पोषणस्तर कायम गर्ने दिशामा अग्रसर हुन प्रोत्साहित गर्ने हाम्रो प्रयत्न हुनेछ | यसबाट हामी औसत खानाको पौष्टिकता वृद्धि मात्र गर्दैनौं सम्पूर्ण खाद्य उद्योगलाई पौष्टिकताको दिशा तर्फ उन्मुख समेत गराउने छौं |
हामी कसरी
पृथक छौं ?
आधारित भएर बृहत निजी क्षेत्र (खाद्य तथा गैर खाद्य) र त्यसले सेवा प्रदान गर्ने समुदायमा असल मूल्य मान्यता प्रवाह गर्न साझेदारी निर्माण गर्दै बलियो नेपाल न्युट्रीशन इनिसियटिव आफ्ना कार्यक्रमहरूको विस्तार र प्रगतिको दिगोपनका लागि थप तथा उल्लेख्य आर्थिक श्रोतबाट समेत लाभान्वित हुनेछ |
बलियो नेपाल पोषण अभियानले पौष्टिकतालाई उपभोक्ताको चाहना बनाउन र पौष्टिकता प्रति उनीहरुको वास्तविक माग सिर्जना गर्न प्रभावको शक्ति र सामाजिक बजारीकरणका सिद्धान्तलाई उपयोग गर्नेछ |
बलियो नेपाल एक अभियान हो, बलियो नेपाल पोषण अभियानको एक पहल हो | अनि हरेक कोणबाट कुपोषण विरुद्ध लड्ने उद्देश्य लिएको एक सामुहिक अवधारणा हो | यो अभियान आत्मनिर्भर ढंगबाट वृद्धि हुँदै जानेछ |
बलियो नेपालको पोषण अभियानमा खाद्य उद्योग क्षेत्र पूर्णरुपमा संलग्न हुनेछ | फलस्वरुप हामी स्थानीय खानेबानीमा सुधार गर्दै अपेक्षित असर हासिल गर्न सक्नेछौं |
