नेपालमा कुपोषण विरुद्धको सामूहिक पहल- एउटा राष्ट्रिय अभियानको परिकल्पना

“सही अर्थमा बलियो नेपाल बनाउन हामीले नेपालीहरुलाई बलियो र स्वस्थ बनाउन थाल्नु पर्दछ | यसको लागि सबै गर्भवती महिला र जन्मेदेखि दुई वर्षसम्मका बालबालिकाहरुलाई उचित पोषणको व्यवस्था मिलाउनु पर्दछ | यदि हामीले यो अवसर गुमायौं भने बालबालिकाहरुको जीवनभरि नै बौद्धिक र शारीरिक विकास अवरुद्ध हुनेछ । बलियो नेपाल हाम्रो समाजको मूल ध्येयको रुपमा स्थापित हुने उद्देश्य लिएको एक अभियान हो | बलियो नेपाल अभियान आमा र बच्चाको लागि उचित पोषणको आवश्यकता बारेमा प्रभावकारी सन्देश प्रवाह गर्नका साथै नेपाली जनतालाई बलियो आहार उपलब्ध गराउन उपयुक्त वातावरण र मापदण्ड निर्माण गर्न सरकारी, सार्वजनिक र निजि क्षेत्रका बीचमा अनुपम साझेदारी निर्माण गर्न चाहन्छ | सगरमाथाको शिखर चुम्नका लागि गरिने साहसिक प्रयत्न जस्तै हामी सबै मिलेर कुपोषणको पहाडबाट मूक्त हुन सफल हुनेछौं भन्ने कुरामा मलाई विश्वास छ । ”

अनिल केशरी शाह

“स्वस्थ बालबालिकाहरुले नै स्वस्थ राष्ट्र निर्माण गर्दछन् । “

आनी छोयांग डोल्मा

“हाम्रा बालबालिकाहरू हाम्रो भविष्यको कर्णधार हुन । उनीहरुको शारीरिक एवं बौद्धिक विकास सूनिश्चित नगरेसम्म हाम्रो देशको उज्ज्वल र समृद्ध भविष्य सुनिश्चित गर्न सकिंदैन । तसर्थ, हामी देशका नागरिकहरू, व्यवसायिक समुदायका सदस्यहरू, सामाजिक कार्यकर्ताहरू, सरकारी र गैरसरकारी संघ सँस्थाहरु सँगै मिलेर बालबालिकाहरूलाई पोषित बनाउन र बलियो नेपालको जग मजबूत बनाउन सकृय रुपमा कार्य गर्न अत्यन्त जरुरी भएको छ । यस अभियानको सहयात्री हुन पाएकोमा के. एल. दुगड परिवार गौरवान्वित महशुस गर्दै भविष्यमा बलियो नेपालका लक्ष्यहरु हासिल गर्न सहयोग एवम् सहकार्यको अपेक्षा गर्दछ । ”

कुमुद दुगड

“हामी बलियो भए नेपाल बलियो हुन्छ । “

जीतू नेपाल

“नेपालको विविध प्रदेशहरुमा एक तिहाईदेखि लगभग आधाभन्दा बढी बालबालिकाहरुमा पुड्कोपना छ । यति ठूलो मात्रामा अल्पपोषण हुनु भनेको आजीवन कम उपलब्धीमा निहित भइ बस्नू हो जुन राष्ट्कै लागि निराशाजनक पनि हो । प्रारम्भिक अवस्थामा सही हेरचाह नपुगे समयकालमा जो कोहीको पनि संज्ञानात्मक क्षमतामा अपरिवर्तनीय कमी देखा पर्दछ । नेपाललाई जकडेर बसेको अन्तर्देशीय गरिबी र असमानताको समाधान पक्कै पनि पौष्टिकताको गुणस्तरमा वृद्धि र सोको उपलब्धता हुन सक्छ ।”

डा. स्वर्णिम वाग्ले

“बलियो नेपालको टोलीसँग हातेमालो गर्न पाउनु सम्मानको विषय हो र आगामी दनिमा सञ्चालन हुने कार्यक्रमहरु प्रति अत्यन्तै उत्साहति पनि छु । एउटा स्वस्थ र उत्पादनशील राष्ट्रका रूपमा विकास गर्न हामीलाई पोषण अत्यन्त महत्वपूर्ण हुन्छ । यो विषयले हरेक व्यक्तिबाट विशेष महत्व प्राप्त गर्नु जरुरी छ | हरेक नेपाली नागरकिलाई यो यात्रामा सामेल गराउनु ठूलो चुनौतीको कुरा हो । तैपनि बलियो नेपालले यस्तो अभियानको परकिल्पना गरेको छ जसले म लगायत सम्पूर्ण राष्ट्रलाई यस यात्रामा समाहति हुने अवसर दिएको छ । यो सवाल मेरो मष्तिशकको शिर्सस्थानमा रहनेछ र हरेक व्यक्तिको प्राथमिकतामा पार्न सदैव प्रयत्नरत रहन व्यक्तगित रुपमा म पूर्ण प्रतबिद्ध छु । यो अभियानले भावी पुस्ताको लागी एउटा उदाहरण प्रस्तुत गर्नेछ भन्ने कुरामा मलाई दृढ विश्वाश छ |

पारस खड्का

“गुणस्तरीय जीवनका लागि असल पोषण अपरिहार्य छ भन्ने सन्देश हामीले नेपालको हरेक कुनामा र प्रत्येक घरमा पुर्याउनु आवश्यक छ । यो कार्य राज्यका परिवर्तनका संवाहकहरूमध्ये नागरिक समाजका संस्थाहरूले कुशलतापूर्वक र प्रभावकारी रुपमा गर्ने मात्र होइनन् नेतृत्व समेत प्रदान गर्दछन् ।”

प्रा. डा. उमा कोइराला

“बलियो नेपाललाई मार्गदर्शन गर्ने भावनाप्रति सहमत नहुने शायदै कोहि होला | यो एउटा अति प्रशंसनीय अभियान हो | बालबालिकाहरू राष्ट्रनिर्माणका आधारशिला हून् र धेरैजसो विकासशील राष्ट्रहरू जस्तै नेपालले पनि बालबालिकाहरूमा आफ्नो भविष्य देखेको छ | यदि हामीले गर्भवती महिला र शिशुहरुको लागि सन्तुलित पोषण दिगो सुनिश्चित गर्न सक्यौं भने मात्र यो सम्भव छ | तसर्थ राष्ट्रनिर्माणको यस शुभकार्यमा सरकार र समाजका सम्पूर्ण तप्का र तह यस अवसरका लागि अग्रसर भई हातेमालो गर्नु अत्यन्त जरूरी छ | म मेरो व्यक्तिगत एवम् व्यावसायिक सँस्थाहरुको समूह BL Conglomerate (BLC)को तर्फबाट बलियो नेपालको कार्यक्रमहरुलाई सदैव सहयोग पुर्याउन प्रतिबद्धता व्यक्त गर्दछु | ”

बसन्त चौधरी

“कुपोषण अन्त्यका लागि पोषिलो अण्डा.... नेपालको भविष्यका कर्णधार बालबालिकाहरुलाई बलियो बनाउने लक्ष्यलाई साकार बनाउन नेपाली बालबालिकाहरुमाझ अण्डाको प्रवर्धन गर्ने महान् अभियानमा बलियो नेपालसँग हातेमालो गर्न पाउँदा श्रीनगर एग्रो फार्म अत्यन्त हर्षित छ | निजी क्षेत्रसंगको साझेदारीमा संचालन हुने यस किसिमको अभियान जनसमुदायको सोच र चेतना अभिवृद्धि गर्नको लागि सहकार्यको नौलो उदाहरण हो | हामी सबै मिलेर आफ्नो व्यवसाय र कृषि अर्थतन्त्रमा वृद्धि गर्दै बालबालिकाहरुको स्वास्थ्य र पोषणमा ठुलो प्रभाव पर्ने प्रयत्न गरिरहेका छौं ।”

मौशुमी श्रेष्ठ

३६%

यदि नेपालका हरेक बाल बालिका सगरमाथा जत्तिकै बलिया भए भने, हाम्रो देश नेपाल कस्तो हुन्थ्यो होला?

नेपालमा कुपोषण विरुद्धको सामूहिक पहल- एउटा राष्ट्रिय अभियानको परिकल्पना

हाम्रो अभियान – कुपोषण विरुद्ध

बालबालिकाहरुमा पुड्कोपन

लुकेको भोक

एउटा अवसर

इक्वेडरमा अण्डाको उपभोगले बालबालिकाहरुको जीवनमा ल्याएको परिवर्तन

स्रोतहरू

स्रोतहरू

बलियो नेपाल पोषण अभियानको साथ दिनुहोस